Velkomin á vef Styrktarsjóðsins Klettur
Félagsmenn sækja um styrki hjá sjóðnum á Mínum síðum með rafrænum skilríkjum. Við bendum á að öllum umsóknum þurfa að fylgja viðeigandi fylgiskjöl á rafrænu formi.
10. september er alþjóðlegur forvarnardagur sjálfsvíga.
Gulur september er vitundarvakning um geðrækt og sjálfsvígsforvarnir.
Kennimerki verkefnisins er semikomman (;) og er táknið víða notað til að sýna samstöðu með geðheilbrigði.
Það vísar til framhalds, seiglu og vonar.
Hér má lesa nánar um verkefnið: Heim – Gulur September
Á heimasíðu VelVirk má finna gagnlegan fróðleik: Velvirk
Almennir styrkir
Sjóðfélagar verða að skila reikningi með nafni og kennitölu umsækjanda. Fjöldi meðferða og upphæð þarf að koma fram ef sótt er um styrk vegna meðferða.
-Greiðslukvittun úr heimabanka er ekki gildur reikningur.
-Öllum erlendum greiðslukvittunum þarf að fylgja greiðslustaðfesting.
Gleraugnastyrkir: Hægt er að sækja um greiðsluþátttöku vegna kaupa á gleraugum fyrir börn, og fyrir fullorðna að uppfylltum skilyrðum, hjá Sjónstöðinni. Upplýsingar má nálgast hér: Sjónstöðin
Sálfræðistyrkir: Sjúkratryggingar Íslands (SÍ) hafa heimild til að greiða niður sálfræðiþjónustu við viss skilyrði. Upplýsingar má nálgast hér: Sálfræðiþjónusta | Sjúkratryggingar
Sjúkradagpeningar
ATH: Sjóðfélagar sem eru í veikindaleyfi og hyggjast sækja um hjá sjóðnum skulu hafa samband tímanlega áður en veikindaréttur klárast í síma 525-8380. Réttur til sjúkradagpeninga miðast við gildan ráðningarsamning. Læknisvottorð sem nær yfir umsóknartíma og Vottorð frá vinnuveitanda verður að fylgja umsókn.
Sjóðfélagar sem eru í endurhæfingu eða í bið eftir endurhæfingu eiga að jafnaði rétt á sjúkradagpeningum í 30 daga frá sjóðnum.
Ef um áframhaldandi veikindi er að ræða þarf að sækja um sjúkra- og endurhæfingargreiðslur til Tryggingastofnunar (TR) tímanlega þar sem afgreiðsla slíkra umsókna getur tekið nokkrar vikur. Áður en sótt er um hjá TR þurfa félagsmenn í öllum tilvikum að ráðfæra sig við sinn lækni. Nánari upplýsingar má nálgast hér: Sjúkra- og endurhæfingargreiðslur | Tryggingastofnun
Veikindi á meðgöngu
Sjóðfélagar sem eru veikir vegna meðgöngu geta sótt um lengingu hjá Fæðingarorlofssjóði ef veikindin vara lengur en mánuð fyrir áætlaðan fæðingardag barns. Sjá reglur Fæðingarorlofssjóðs: Lenging fæðingarorlofs
Ef veikindin vara skemur en mánuð fyrir áætlaðan fæðingardag barns skal hafa samband við Styrktarsjóðinn í síma 525-8380.
Styrktarsjóðurinn Klettur:
Úthlutunarreglur
Sjóðfélagar öðlast rétt til úthlutunar úr sjóðnum eftir 6 eða 12 mánaða iðgjaldagreiðslur.
Umsókn um sjúkradagpeninga skal skilað inn fyrir 15. hvers mánaðar en að jafnaði er greitt út síðasta dag hvers mánaðar eða næsta virka dag á eftir.